अनुसूचित जमाती प्रमाणपत्र तपासणी समिती
किनवट जि.नांदेड येथील समिती कार्यालयासाठीची पदभरती रद्
किनवट(जिमाका):- महाराष्ट्र शासन,आदिवासी विकास विभागाने शासन निर्णयान्वये किनवट ता. किनवट जि.नांदेड येथे समिती कार्यालय सुरु करणेसाठी मंजूरी प्रदान केलेली होती. सदर समितीसाठी आवश्यक मनुष्यबळ कंत्राटी तत्वावर पदे भरण्यास मान्यता देण्यात आलेली होती.सदर समिती कार्यालय सुरु करणेसाठी अधिकारी/ कर्मचारी यांची एकूण 22 पदे कंत्राटी पध्दतीने भरण्यासंदर्भात जाहिरात प्रसिध्द करुन विधी अधिकारी ,विधी समन्वयक,कनिष्ठ प्रशासकीय अधिकारी व संशोधन सहायक या पदांसाठी येणाऱ्या उमेदवारांची मुलाखत घेण्यात आली होती.तसेच लिपिक टंकलेखक, माहिती तंत्रज्ञान तथा संगणक सहायक, लघुटंकलेखक, शिपाई व सफाईगार या पदांसाठी येणाऱ्या उमेदवारांचे अर्ज स्विकारण्यात आले होते.
महाराष्ट्र शासन, वित्त विभाग,क्रमांक:अर्थसं-2020/प्र.क्र.65/अर्थ-3 दि.04 मे 2020 रोजीचा शासन निर्णय व मा.आयुक्त, आदिवासी संशोधन व प्रशिक्षण संस्था, पुणे यांचे पत्र क्र. आसंप्रसं/आथा/का.1/प्र.क्र.448 (अ)/2111 दि. 21 जून,2020 अन्वये महाराष्ट्रात कोविड-19 च्या संसर्गजन्य रोगामुळे वित्तीय उपाय-योजनेच्या अनुषंगाने चालू वित्तीय वर्षात सार्वजनिक आरोग्य विभाग व वैद्यकीय शिक्षण व औषधी द्रव्ये विभाग वगळता कोणत्याही विभागाने कोणत्याही प्रकारची नवीन पदभरती करु नये, याबाबत सुचित केलेले आहे.
राज्यातील कोरोना आजार प्रार्दुभाव स्थिती व वित्तीय स्थिती पाहता अनुसूचित जमाती प्रमाणपत्र तपासणी समिती, किनवट ,जि.नांदेड येथील कंत्राटी पदभरती रद्द करण्याचा निर्णय निवड समितीने घेलता असल्याने भरती प्रक्रिया रद्द करित असल्याचे सहआयुक्त, अनुसूचित जमाती प्रामाणपत्र तपासणी समिती, औरंगाबाद यांनी कळविले आहे.
****
